FLASH
Shkruar nga Pamfleti
Ylli i ri i Barcelonës, Lamine Yamal, ka dhënë një mesazh të qartë dhe plot besim në prag të përballjes vendimtare ndaj Atletico Madrid.
Në një deklaratë për mediat, 17-vjeçari theksoi se skuadra katalanase do të luftojë deri në fund, pavarësisht rezultatit që mund të vijë nga kjo sfidë.
“Shikoni, ju premtoj se nëse eliminohemi nesër, do të jetë pasi të kemi luftuar deri në fund”, u shpreh Yamal.
Ai nënvizoi se intensiteti dhe përkushtimi do të jenë maksimalë gjatë gjithë ndeshjes, duke garantuar se ekipi nuk do të kursejë asgjë në fushë.
“Nuk do të luajmë asnjë minutë pa bërë presion dhe pa vrapuar, do të japim gjithçka”, deklaroi ai.
Megjithatë, pavarësisht vështirësisë së sfidës, Yamal mbetet optimist për një përmbysje të mundshme, duke theksuar se gara është ende e hapur.
“Nuk ka mbaruar. Përmbysja është shumë e mundur dhe kjo është arsyeja pse jemi këtu”, përfundoi ai.
Barcelona përballet me një nga ndeshjet më të rëndësishme të sezonit, ndërsa deklaratat e Yamal reflektojnë besimin dhe shpirtin luftarak brenda skuadrës.
Lini një Përgjigje