FLASH
Shkruar nga Pamfleti
Adoleshenti shqiptar Adri Mehmeti vijon të spikasë në kampionatin amerikan të futbollit, MLS, duke lënë gjurmë edhe në sfidën e fundit ndaj Inter Miamit.
Mesfushori 17-vjeçar, i aktivizuar si titullar me New York Red Bulls, zhvilloi një paraqitje të mirë dhe u bë vendimtar në minutën e 77-të të takimit. Pas një goditjeje dënimi, ai arriti të dërgojë topin në rrjetë, duke barazuar rezultatin në 2-2, që mbeti edhe përfundimtar.
Ky është goli i parë i Mehmetit në MLS, një moment i rëndësishëm për talentin e ri, i cili këtë sezon po fiton gjithnjë e më shumë hapësira në ekipin e tij.
Barazimi ndaj Inter Miamit bëri që skuadra nga Florida, ku aktivizohet Lionel Messi, të mos arrijë sërish fitoren e parë në stadiumin e ri, pas një tjetër ndalese disa ditë më parë.
Adri Mehmeti, i cili më parë ka qenë pjesë e përfaqësueseve të moshave të Shqipërisë, aktualisht përfaqëson Shtetet e Bashkuara të Amerikës në arenën ndërkombëtare.
Kliko për të parë Videon
Lini një Përgjigje