FLASH
Shkruar nga Pamfleti
Juventusi ka siguruar një fitore të rëndësishme në transfertë ndaj Atalantës, në kuadër të javës së 32-të të Serisë A. Ndeshja e zhvilluar në stadiumin e Bergamos u mbyll me rezultatin minimal 0-1 në favor të skuadrës torineze.
Vendimtar në këtë përballje ishte goli i vetëm i shënuar në fillimin e pjesës së dytë. Zheremi Boga arriti të dërgonte topin në rrjetë në minutën e 48-të, duke i dhënë Juventusit tre pikë me peshë në garën për zonën Champions.
Falë këtij triumfi, Juventusi ngjitet në vendin e katërt në renditje me 60 pikë, duke hyrë në zonën që siguron pjesëmarrjen në Ligën e Kampionëve. Bardhezinjtë kanë dy pikë më shumë se Komo, që renditet i pesti, por me një ndeshje më pak të zhvilluar.
Nga ana tjetër, Atalanta mbetet në vendin e shtatë me 53 pikë, duke qendruar aktualisht jashtë zonës që siguron pjesëmarrjen në kupat evropiane.
Sa i përket paraqitjes së futbollistëve shqiptarë, mbrojtësi i Kombëtares, Berat Gjimshiti, ishte titullar për Atalantën dhe luajti gjatë gjithë ndeshjes. Megjithatë, ai nuk arriti të ndikonte në shmangien e humbjes për skuadrën e tij.
Lini një Përgjigje