FLASH
Shkruar nga Pamfleti
Si kurrë më parë, protesta kulmon me një marshim rreth godinës së qeverisë, e cila për herë të parë rrethohet nga një numër i madh protestuesish.
Ndryshe nga herët e tjera, marshimi mbrëmjen e sotme do jetë rreth Kryeministrisë. Si kurrë më parë, goditën e qeverisë do e rrethojnë një numër i jashtëzakonshëm qytetarësh, të cilët kërkojnë largimin e menjëhershëm të Edi Ramës nga pushteti. Po ashtu kërkojnë ndryshime rrënjësor të politikës dhe promovimin e figurave të reja.
Organizatorët kanë bërë thirrje që qytetarët të mos largohen pas përfundimit të marshimit, por të qëndrojnë gjatë natës përpara Kryeministrisë, duke e kthyer protestën në një akt simbolik qëndrese. Sipas tyre, kushdo që ka mundësi ftohet ta gdhijë në shesh, në shenjë vendosmërie dhe presioni qytetar për realizimin e kërkesave të ngritura gjatë tubimit.
Me flamuj kombëtarë në duar dhe nën thirrje kundër qeverisë, qytetarët po lëvizin përgjatë perimetrit të godinës, ndërsa organizatorët e kanë cilësuar këtë veprim si një simbol të vendosmërisë së tyre për të vijuar protestat.
Marshimit i janë bashkuar qytetarë të ardhur nga qytete të ndryshme të vendit, por edhe shqiptarë nga diaspora, të cilët kanë udhëtuar drejt Tiranës për t'u bërë pjesë e protestës së 21-të kundër kryeministrit Edi Rama.
Një protestë madhështore po mbahet sonte në Tiranë. Shqiptarët nga të gjithë trevat, nga çdo cep i botës janë bërë bashkë kundër kësaj klase politike dhe kundër kryeministrit Edi Rama. Siç nuk ishte menduar ndonjëherë, ‘shuplaka’ kryeministrit Edi Rama po i vjen nga Diaspora.
Një pjesëmarrje historike. Një gjë është e sigurt kjo protestë do të mbahet mend gjatë. Një revoltë madhështore kundër kësaj klase politike që për 35 vite me radhë kanë vjedhur dhe punuar në dëm të shqiptarëve.
Po e shikoj rrethimîn live dhe nuk janë as 100 vetë pa përmbajtje pa proram dhe vetëm vetëgjygjsi populiste