FLASH
Shkruar nga Pamfleti
Serbia ka mundur Zvicrën e Xhakës në Ligën e Kombeve. Një gol nga sulmuesi kryesor dhe një "ndihmesë" nga Elvedi fiksuan shifrat 2-0 në favor të serbëve.
Kombëtarja helvete dominoi më së shumti pjesën e parë. Zvicerianët poseduan mbajtjen e topit dhe kërkuan më shpesh golin në portën e mbrojtur nga Pedrag Rajkoviç. Edhe në pjesën e dytë kanë të besuarit e Murat Jakin hyrë me të njëjtin vrull, por përsëri mbrojtja zhgënjeu dhe Serbia në të vetmin rast të pastër tundi rrjetën. Serbët u treguan cinikë dhe shfrytëzuan çdo mundësi që iu erdhi.
Mos të harrojmë që Embolo nuk shfrytëzoi as shansin më të "artë" duke shpërdoruar 1 penallti në minutën e 72.
Titullar në këtë takim ishte Granit Xhaka, teksa në stadium gjatë gjithë ndeshjes u dëgjuan thirrje anti-shqiptare apo janë parë edhe flamuj provokues.
Zvicra do të kërkojë që të gjejë pikët e para në kompeticionin europian, pasi gjendet në fund të grupit dhe rrezikon shumë pas kësaj humbjeje. Xhaka me shokë kanë prodhuar lojë, por kundërshtarët e kombit helvet kanë prodhuar eficiencë.
Në ndeshjet e tjera, Spanja mundi 1-0 me Danimarkën falë golit të Zubimendit. Portugalia triumfoi 1-3 ndaj Polonisë. Luzitanët realizuan me Silvan dhe Ronaldon, sakaq vlen të theksohet edhe një autogol i Bednarek. Për polakët, goli i vetëm i tyre erdhi nga Zielinski.
Lini një Përgjigje