FLASH
Shkruar nga Pamfleti
Detaje tronditëse janë zbardhur në lidhje me ngjarjen e ndodhur në Greqi, ku një tifoz i skuadrës së AEK-ut u godit për vdekje, pas një përleshjeje të dhunshme me ultrasit e Dinamos së Zagrebit, në prag të ndeshjes mes dy skuadrave.
Michalis Katsouri humbi jetën pasi u godit me thikë nga disa tifozë kroatë në orët e vona të së hënës kur tifozët e Dinamos së Zagrebit nisën përleshjen e dhunshme. Mediat greke kanë publikuar momentet e fundit të të riut, i cili shihet i gjakosur, në përpjekkje për t'u shpëtuar kroatëve.
Në videon e parë, Michalis shihet duke vrapuar drejt një dyqani në rrugët Smyrni dhe Fokon i veshur me një këmishë blu, pantallona të shkurtra, kapuç dhe doreza, ndërsa mbante stemën e ekipit të zemrës në dorën e majtë. 29-vjeçari hyn i gjakosur dhe ulet pas ftohësit të akullores, ndërsa pronarët e dyqanit e shikojnë të habitur.
Më pas një grua dhe një burrë aty pranë i japin Michalis, i cili nuk mund të mbajë as kokën lart, një letër për t’u fshirë, ndërsa gjakderdhja vazhdon.
Në një moment, një person arrin në dyqan dhe përpiqet të ndihmojë Michalis Katsouris, teksa ai është ende i ulur pas frigoriferit të dyqanit. Ky person duket se po përpiqet t’i japë ujë 29-vjeçarit, ndërsa në të njëjtën kohë përpiqet të informojë dikë për situatën dramatike që po ndodh përballë tij.
Në videon e radhës, Michalis shihet duke tentuar të ngrihet në këmbë, por mesa duket e kanë lënë forcat dhe për këtë arsye bie sërish në tokë, në vendin ku gjeti strehë nga sulmi i huliganëve.
Sipas konkluzioneve të mbërritura gjatë hetimeve nga autoritetet, në minutat në vijim Mivhalis ka humbur edhe më shumë forcën nga gjakderdhja që i shkaktoi goditjen fatale dhe humbi jetën.
Ντοκουμέντο από τη δικογραφία για τη δολοφονία του Μιχάλη: Φτάνει στο περίπτερο χτυπημένος από το μαχαίρι pic.twitter.com/urcsuhaMJ2
— kakajason (@kakajason50) August 17, 2023
Për përplasjen e dhunshme mes tifozëve kroatë dhe atyre të AEK-ut, gjykata ka lënë në paraburgim 12 persona. Në qelinë e paraburgimit po mbahen 10 kroatë, një grek dhe një shqiptar, të cilat kanë mohuar se kanë lidhje me vrasjen dhe kanë deklaruar se kanë qenë ‘kalimtarë’.
Huliganët e akuzuar u shprehën se ishin në vendin e gabuar, në kohën e gabuar dhe se nuk ishin të përfshirë në incident. Deklaratat e 30 të pandehurve të parë janë bërë njëkohësisht para tre hetuesve. Të gjithë mohuan kategorikisht pjesëmarrjen e tyre në ngjarjen e përgjakshme.
Βίντεο από τη δικογραφία για την δολοφονία του Μιχάλη: Ο 29χρονος έχει καταρρεύσει στο περίπτερο pic.twitter.com/tCnJprCZ4w
— kakajason (@kakajason50) August 17, 2023
Mediat vendase thonë se bashkë me huliganët e Dinamos së Zagrebit jashtë stadiumit të AEK-ut ka pasur edhe tifozë të Panathinaikos dhe së bashku kanë sulmuar tifozët e AEK-ut që ndodheshin në “OPAP Arena”, ku ka shpërthyer një përleshje e ashpër, me bomba molotov, shkop dhe sende të tjera. Huliganët tentuan të futeshin edhe në stadium, dyert e të cilit ishin të mbyllura.
Lini një Përgjigje