FLASH
Shkruar nga Pamfleti
Pushimet për hidratim, të përfshira gjatë ndeshjeve të Kupës së Botës, po rezultojnë një burim i rëndësishëm të ardhurash për Devid Bekam.
Sipas një analize të publikuar nga “Daily Mail”, ish-kapiteni i Anglisë ka përfituar rreth 25 milionë euro falë pjesëmarrjes në fushata publicitare që transmetohen pikërisht gjatë këtyre ndërprerjeve të lojës.
Bekam është ambasador i disa prej markave kryesore sponsorizuese të Kupës së Botës dhe reklamat me imazhin e tij shfaqen gjatë pushimeve për hidratim, të cilat janë bërë pjesë e rregullt e ndeshjeve të zhvilluara në Shtetet e Bashkuara të Amerikës, Kanada dhe Meksikë.
Edhe pse është tërhequr prej vitesh nga futbolli aktiv, Bekam vijon të mbetet një nga emrat më të fuqishëm në aspektin komercial. Marrëveshjet e tij me sponsorët vazhdojnë t’i sigurojnë të ardhura milionëshe gjatë turneut më prestigjioz të futbollit në botë.
Lini një Përgjigje