FLASH
Shkruar nga Pamfleti
Laura Fazliu ka shënuar një sukses të jashtëzakonshëm, pasi ka arritur të fitojë medaljen e bronztë në Lojërat Olimpike “Paris 2024”.
Xhudistja kosovare e nisi garën nga rrethi i dytë, pasi rrethin e parë nuk luftoi fare për shkak se ishte e renditur më lart.
Fazliu u përball me kinezen Jing Tang të cilën e mposhti pasi ajo mori tre shidove.
Në çerekfinale, Laura psëoi humbje ndaj xhudistes franceze Klarisa Agbegnenu, e cila arriti të siguronte fitoren me Ippon.
Në repesazh, Fazliu ia doli të triumfonte përballë kanadezes Katerina Bushemin-Pinard, të cilën e mposhti pas tri gabimeve.
Xhudistja “Dardane” në duelin final për medaljen e bronztë u përball me kroaten Katarina Kristo të cilën arriti ta mposhtë në ‘Golden Score’ pas tri gabimeve.
Kujtojmë se kjo është medalja e dytë olimpike për Kosovën, pas të argjendtës që ka fituar Distria Krasniqi pak ditë më parë.
Lini një Përgjigje