FLASH
Shkruar nga Pamfleti
Kim Kardashian ka surprizuar fansat me një rrëfim të hapur lidhur me rutinën e saj të përditshme për shëndetin, duke treguar se konsumon një numër të konsiderueshëm suplementesh çdo ditë për të ruajtur mirëqenien fizike.
Sipërmarrësja dhe figura e njohur televizive foli për këtë gjatë një interviste në podcastin “Good Hang”, të moderuar nga aktorja Amy Poehler. Diskutimi u fokusua te kujdesi shëndetësor i grave pas moshës 40-vjeçare, përfshirë vitaminat, analizat e gjakut dhe densitetin kockor.
Gjatë bisedës, Kim pranoi se rutina e saj është mjaft e ngarkuar.
“Marr ndoshta 35 suplemente në ditë. I ndaj në tri doza dhe në një moment thashë: ‘Nuk mund ta marr më këtë vaj peshku. Jam lodhur nga kaq shumë pilula’”, u shpreh ajo.
Sipas Kardashian, pas lodhjes nga konsumimi i vazhdueshëm i pilulave, ajo vendosi për një periudhë të ndërpriste marrjen e vajit të peshkut (fish oil), por analizat e gjakut treguan menjëherë ndryshime.
“Kur më dolën analizat, ishte e qartë që e kisha ndalur. Atëherë duhej ta rifilloja përsëri”, shtoi ajo.
Kim theksoi veçanërisht rëndësinë e fish oil, suplement i njohur për përmbajtjen e acideve yndyrore omega-3, të cilat lidhen shpesh me mbështetjen e shëndetit të zemrës dhe trurit, uljen e inflamacionit, si edhe përfitime për lëkurën, sytë dhe nyjat.
Megjithatë, ajo pranoi se rutina e mbushur me pilula i shkakton shpesh atë që e quajti “lodhje nga tabletat”, një ndjesi që vjen si pasojë e marrjes së përditshme të shumë suplementeve.
Rrëfimi i Kim Kardashian ka sjellë reagime të shumta në rrjetet sociale, duke rikthyer në vëmendje debatin mbi ekuilibrin mes kujdesit për shëndetin dhe varësisë nga suplementet në jetën moderne.
Lini një Përgjigje