FLASH
Shkruar nga Pamfleti
Rikthehet debati për gjendjen mendore të presidentit amerikan...
Postimi ku u vetëkrahasua me Jezusin, kërcënimi ndaj Iranit dhe sulmet ndaj Papës kanë rihapur në SHBA një debat të vjetër: a kemi të bëjmë me një lider jashtë kontrollit, apo me një politikan që përdor teprimin si armë pushteti?
Në Shtetet e Bashkuara është rikthyer me forcë një debat i ndjeshëm dhe politikisht shpërthyes: a është Donald Trump realisht i paqëndrueshëm, apo po luan me vetëdije rolin e liderit ekstrem për të imponuar frikë, bindje dhe dominim publik? Sipas artikullit të Corriere della Sera, diskutimi është rindezur pas një serie daljesh që kanë tronditur edhe pjesë të vetë kampit konservator.
Shkëndija e fundit ishte një postim në Truth Social, i fshirë më pas, ku Trump krahasonte veten me Jezusin shërues. Më pas erdhën deklarata edhe më të rënda: kërcënimi se “një qytetërim i tërë do të vdesë sonte”, në referencë ndaj Iranit, si dhe sulmet ndaj Papës, të cilin e quajti të dobët ndaj krimit dhe të paaftë në politikën e jashtme. Për shumë kritikë, këto nuk janë më thjesht provokime elektorale, por sinjale të një sjelljeje gjithnjë e më të paparashikueshme.
Shtëpia e Bardhë i ka hedhur poshtë akuzat, ndërsa vetë Trump vazhdon ta paraqesë veten si “gjeni” dhe pretendon se ka kaluar çdo test njohës. Por debati nuk kufizohet më vetëm te demokratët, satiristët televizivë apo ekspertët e shëndetit mendor që komentojnë nga distanca. Sipas artikullit, dyshime po shprehin edhe ish-aleatë të Trumpit, figura të djathta, ushtarakë në pension, diplomatë dhe ish-funksionarë amerikanë e të huaj.
Një sondazh Reuters/Ipsos i përmendur nga Corriere tregonte se në shkurt rreth 61% e të pyeturve e konsideronin Trumpin “gjithnjë e më të paparashikueshëm me moshën”, ndërsa perceptimi për aftësinë e tij mendore dhe përballimin e sfidave komplekse kishte rënë ndjeshëm krahasuar me vitin 2023. Kjo tregon se problemi nuk është vetëm moral apo stilistik, por po kthehet në çështje besueshmërie shtetërore.
Edhe më domethënës është fakti se kritikat nuk vijnë vetëm nga e majta. Marjorie Taylor Greene, dikur ndër mbështetëset më agresive të Trumpit, ka mbështetur përdorimin e Amendamentit të 25-të, duke argumentuar se kërcënimet për shkatërrimin e civilizimit iranian nuk ishin “retorikë e ashpër”, por marrëzi. Në të njëjtën linjë janë shprehur edhe zëra të tjerë të së djathtës radikale, të cilët e kanë përshkruar Trumpin si të çoroditur dhe jo më plotësisht funksional.
Megjithatë, brenda Partisë Republikane dhe Kongresit amerikan, besnikëria ndaj Trumpit mbetet pothuajse e plotë. Kjo forcon tezën tjetër të debatit: se Trump mund të mos jetë domosdoshmërisht “i çmendur”, por jashtëzakonisht i aftë në përdorimin e teprimit, fyerjes, mitit personal dhe kërcënimit verbal si instrumente pushteti. Në këtë lexim, ai nuk është një aksident i sistemit, por produkti më brutal i tij.
Në plan më të gjerë, kjo histori nuk ka të bëjë vetëm me temperamentin e një njeriu. Ajo ngre një pyetje thelbësore për demokracinë amerikane: deri ku mund të tolerohet sjellja e një presidenti kur kufiri mes spektaklit politik, narcisizmit dhe rrezikut institucional fillon të zbehet? Corriere kujton se dyshimet mbi gjendjen mendore të presidentëve amerikanë nuk janë të reja, por në rastin e Trumpit ato bashkohen me një stil qeverisjeje që e ushqen konfliktin, e shndërron krizën në metodë dhe e kthen provokimin në strategji./Pamfleti
Ai eshte nje I krisur Jo thjesht I cmendur! Vetem dhelper e zgjuar nuk eshte trampi,SE Po te ishte nuk do Kishte arritur gjendja Deri ketu!
Donald Tramp është një politikan gjenial, sikurse hiqet. Kur koha i kërkon, ata(gjenitë) shfaqen.
Lum si ne qe kemi nje "inteligjent" qe vlereson nje "gjeni", sa u "emocionova".
Me kujtohen ata zinxhiret qe ishin ne mode, i perdornin djemte e rinj e i rrotullonin ne gisht dekeda te shkuara. Pra brezi yne e perdorte shpesh shprehjen, dridhe zinxhirin.
Tony! Ju të punësuarët në Angli, mbani për gjeni Toni Blerin (këshilltari i qeverisë shqiptare). Ku e shikon mungesën e koherencës time? Nëse më konsideron Trumpist, më bën nder. Unë sikurse edhe Ti, e kemi Kombin Shqiptar të Parin. Unë Kombin Amerikan e kam të Dytin. Ti e ke kombin Anglez të Dytin. Dhe ndoshta SHBA të Tretin.
Me duket se Anglisht flitej shume e shume shekuj ne Angli para se te vinin Englezet atje. Vete Amerika ka 40% Gjermane popullate ta dish mire. Kam pare neper intervista o krenaria e Amerikes kur pyesin rinine, cfare gjuhe flasin Amerikanet, pergjigja eshte American language. Ti je turpi i Amerikes e gjeja me e mire eshte shko mbrapsht ku je lindur e ha noj bauke maisri me zhaize or tai. Komb do te thote nyje ne Shqip, i lidhur fort, i bere nje. Une kam vetem nje komb ate qe me fali jeten gjuhen edukaten moralin e do vdes me nje. Kombesia eshte tjeter e shtetesia eshte tjeter. Me duket se me ate idhullin tend po tallet bota. Te te them shko hap syte e merru me libra nuk ta them dot se gdheja nuk gdhendet.