FLASH
Shkruar nga Pamfleti
Berisha akuzoi SPAK se ka bërë pazare me kriminelët dhe se për këtë do të duhet të përballet me ligjet e vendit...
Sali Berisha e ka pranuar hapur se betejën e tij në zgjedhjet që vijnë nuk e ka me Edi Ramën, por me Altin Dumanin. SPAK është kthyer në makth për të dhe ish-kryeministri në zgjedhje do të kërkojë votën e qytetarëve për vetëm një qëllim, të shkrijë SPAK.
Këtë e pranoi Berisha i ftuar sot në emisionin “Opinion”. Ai tha se sapo të vijnë në pushtet, do të nisë procesin e rishikimit të reformës në drejtësi. Duke qenë se SPAK ka mandat 9-vjeçar, Berisha deklaroi se do të kërkojë referendum për ta zhdukur këtë prokurori.
Kryedemokrati e akuzoi SPAK se ka bërë pazare me kriminelë dhe se për këtë do të duhet të përballet me ligjet e vendit.
“Qëndrimi im (nëse vjen në pushtet) do të jetë ndërhyrje e menjëhershme me Komisionin Venecias, plotësishëm i besueshëm nga SHBA. Komisioni i Venecias është institucioni perëndimor i Këshillit të Europës, e vërteta është plotësisht i besueshëm nga SHBA që ka eksperiencën më të madhe se çdo institucion tjetër në reformat ligjore e kushtetuese. Në këtë reformë, këta e përjashtuan Komisionin e Venecias, ne e përfshimë. Rama rekomandimet nuk arriti t’i saldojë në Kushtetutë, i futi një nga një në ligjet organike. Qytetarit shqiptar i duhet të presë për një proces civil 14 vite, për një penal 10 vite, i duhet të paguajë ryshfete 4 ose 5-fish sa më parë. Ka një prokurori po aq politike saç ishte prokuroria e Enver Hoxhës. SPAK për shkak të politizimit është sot, një organizatë e vërtet kriminale. Do të përballen me ligjet e vendit për të gjitha pazaret që kanë bërë me kriminelë”, tha ai.
Ai foli edhe për dekorimin e kreut të SPAK Altin Dumani në SHBA, si Kampion i Antikorrupsionit. Berisha nuk e mohoi se ky veprim e ka alarmuar.
“Kjo është qesharake! Jo në Shqipëri, por në Shtetet e Bashkuara nuk mund të mohohet se demokracia ka bërë hapa mbrapa gjatë administratës së Biden. Ai që e dekoroi Dumanin, jam i sigurt që do dekoronte me kënaqësi edhe Jack Smith-in”, tha ai.
Berisha zbuloi për herë të parë se para se të vendosej në listën e zezë të Shteteve të Bashkuara të Amerikës kishte vendosur të linte mandatin.
"Sali Berisha pasi ishte larguar në mënyrë definitive dhe pa ekuivok dhe po përgatitesha për katër muajt e ardhshëm të dorëzoja dhe mandatin e deputetit sepse ka gjithmonë një kohë për vendime. Çfarë ndodhi? Ndodhi një sanksionim mbi lobimin korruptiv.
Në 2021 që ta dinë qytetarët pasi bëra një fushatë 1-vjetore përfshi në këtë studio këtu për të bindur shqiptarët për liderin e PD-së, Lulzim Basha, kemi bërë këtë debat me njëri-tjetrin. Unë, nuk do të kandidoja. Por meqenëse influenca në PD del e lartë moskandidimi mund të na dëmtojë dhe në rast se kandidoj, kandidoj vetëm për këtë qëllim. Më kërkoi të shkoj në Shkodër”, tha ai.
Lini një Përgjigje