FLASH
Shkruar nga Pamfleti
Kreu i LZHK-së, Dashamir Shehi, duke folur lidhur me sistemin zgjedhor në Shqipëri, tha se sistemi aktual nuk është i përshtatshëm.
Sipas Shehit, Shqipëria duhet të ketë vetëm një zonë elektorale.
Deputeti ka sqaruar se duke qenë vend i vogël, ndarja në shumë zona elektorale bën që të humbasë vota e qytetarëve.
“Në radhë të parë sistemi vet, produkti politik i sistemit duhet të jetë i ndryshëm nga ky që është sot. Mua nuk më pëlqen. Është një vend i vogël që ndahet në 12 njësi administrative, kolegje elektorale, por ti vendosnim emrin europian, a thua se jemi vend i madh.
Ta thjeshtojmë këtë skemë e të bëjmë 3-4. Kushtetuta na e lejon për të mirë të shqiptarëve. Shqiptarët do të përfitonin që vota që kanë votuar të mos u humbasë. Kjo është e thjeshtë nuk kërkon filozofi të madhe”, tha Dashamir Shehi në Euronews.
Lini një Përgjigje