
Kreu i Partisë Demokratike Sali Berisha ka reaguar pas videos së publikuar nga kryeministrit Rama me Sekretarin e Përgjithshëm, Engjëll Agaçin.
Në video, Rama shfaqet në zyrën e tij së bashku me Engjell Agaçin teksa shprehet se Sekretari i Përgjithshëm është rikthyer nga Italia pas një operacioni në zemër.
Ndërkohë, sot Berisha tha se nëse ka bërë të sëmurin imagjinar, atëherë Engjëll Agaçi është i pashpresë.
“Komenti im është ky. Në rast se ai është operuar, unë kam koment si për çdo të sëmurë: shërim të plotë. Në rast se ai për llogari të vetes dhe Edi Ramës ka bërë të sëmurin imagjinar, atëherë ai është i pashpresë. Kaq i them!”, tha Berisha.
Lini një Përgjigje