FLASH
Shkruar nga Pamfleti
Kryeministri Edi Rama po mban fjalën e tij në parlament për prezantimin e projekt buxhetit 2025.
Gjatë fjalës së tij ai ka sulmuar opozitën lidhur me premtimet e tyre për pensionistët duke përdorur edhe epitetet si “Sudet” dhe “Rrapushët”.
“Është bërë shesh për përshesh dhe lloj spekulante që janë vetëshpallur si shpëtimtarë tek pensionistë dhe kanë nxjerrë në pazar qylymat flutues të Sudes dhe Rrapushit. Herë me fytyrën e rrudhur nga rënia prej fikut të pushtetit dhe herë me fytyrën e padjersitur akoma por plot oreks për pushtet, këta shitës qylymash fluturues kanë marrë rrugët në një përpjekje të zhurmshme për t’u shitur pensionistëve qilima dhe shqiptarëve në tërësi një tufë përrallash por ndërkohë që këto Sude dhe Rrapushë do të na ndihmojnë për ta bërë shumë të qartë dallimin mes ecjes tonë të mëtejshme në rrugën e shtetbërjes evropiane të Shqipërisë, dua të sjell këtu vetëm një nga shumë fakte të punës së mirë që kemi bërë në këto vite si shumicë qeverisëse edhe për pensionet.
A e dini se mësueset me 38 vite pune, që kanë dalë në pension përpara se të vinim në qeveri e merrnin pensionin rreth 23 mijë lekë ndërsa cdo mësuese me të njëjtat vite pune që ka dalë në pension pas 2014 e ka pensionin rreth 36 mijë lekë. Po për të njëjtat vite pune dhe kontribute në sigurimet shoqërore, një mjek me 40 vite punë I dalë në pension para 2014, me pension maksimal 24 mijë lekë plus indeksimet merr 35 mijë lekë ndërsa mjekët e pensionuar pas 3014 e kanë sot pensionin 51 mijë lekë. Njëjtë për gjyqtarët dhe ekonomistët. Ata të pensionuar para kësaj decade, dalë në pension në atë 24 mijë lekëshin tavan, sot marrin 35 mijë falë indeksimeve ndërsa gjyqtarët dhe ekonomistët e pensionuar gjatë qeverisjes tonë, falë reformës së 2014, e kanë pensionin 53 mijë“, tha Rama.
Lini një Përgjigje