FLASH
Shkruar nga Pamfleti
Sali Berisha tha para gazetarëve, sot në përfundim të protestës, se tendera në mënyrë të paligjshme, ka marrë baxhanaku dhe thjeshtra e Edi Ramës, vajza e Linda Ramës.
Sipas Berishës, baxhanaku i Ramës është “bërë bossi i tenderave digjitale” dhe se thjeshtra ka marrë tendera nga ministrja e Kulturës.
“A e dini ju që një Fangu, Fangu, baxhanaku i tij, është bërë bossi i tenderave digjitale në Shqipëri edhe thjeshtra…pyeteni pak ministren e Kulturës si i dha tenderin kompanisë ku punon thjeshtra e Ramës? Pyeteni pak atë ministren e Kulturës me çfarë tagri ligjor i jep thjeshtrës së Ramës tenderat?”, tha Berisha.
Nga ana tjetër, Berisha tha edhe se kryeministri Rama shtron darka që kushtojnë deri në 10 mijë dollarë.
“A e dini ju se ky zotëri, shtrohet në darka 10 mijë dollarë me McGonigal, ministrja e tij këput 1 mijë euro biftekun? Tregojnë urrejtjen e madhe që ata kanë ndaj jush. Nga viti 2014 deri në vitin 2022, 937 mijë shqiptarë u larguan vetëm në hapësirën e BE dhe se Shqipëria në eksportin e trurit tejkalon Haitin. Po pse? Sepse Edi Rama ndjek një politikë kundra jush. Ai nuk ka interesat tuaja. Ai ka interesat e veta, i verbuar nga pushteti. Blen vazo druri 4 milion euro. Nuk e bën askush në Europë, përveç sulltanëve të Arabisë”, deklaroi ai.
Lini një Përgjigje