FLASH
Shkruar nga Pamfleti
Teksa na ndajnë edhe pak orë nga tubimi i opozitës poshtë Kryeministrisë, kreu i Partisë Demokratike, Sali Berisha, ka bërë thirrje për pjesëmarrje masive.
Në një mesazh të publikuar në rrjetet sociale, Berisha e cilësoi protestën si një moment të rëndësishëm për opozitën, duke ftuar qytetarët nga e gjithë Shqipëria që të bashkohen në Tiranë.
“Vërshim i papërmbajtur drejt Tiranës. Ora 17:00 është ora e opozitës,” shkruan Berisha.
Protesta pritet të zhvillohet në një klimë tensioni politik, ndërsa policia ka paralajmëruar masa për garantimin e rendit dhe sigurisë publike.
“Sot është dita e guximit qytetar. Dita kur populli opozitar i bën gjyqin kryehajdutit, kryeministrit të lidhur me banditë, trafikantë dhe vrasës. Është dita e ngadhënjimit mbi të keqen që ka mbërthyer Shqipërinë”, shkruan Berisha.
Lini një Përgjigje