FLASH
Shkruar nga Pamfleti
Ja lista me emra që Rama do të nxjerrë në fushën e betejës...
Kryeministri Edi Rama u ka prerë sot shpresat atyre pak deputetëve që mendonin se mund të jenë në listë të mbyllur në zgjedhjet e 11 majit.
Nesër do të bëhet zyrtarizimi i listave dhe në PS nuk do të ketë surpriza. Rama sot në komunikimin me publikun në rrjetet sociale e tha hapur se i gjithë grupi parlamentar do të jetë në listë të hapur, përfshirë burra dhe gra. Vetëm, në ndonjë rast do të ketë përjashtim për deputetet femra.
“Skuadër perfekte nuk ka, por një skuadër shumë të mirë do ta keni, skuadër të ripërtërirë, do harmonizohet eksperienca me energjinë e të rinjve, një skuadër që do garantojë vazhdimësinë e procesit të BE, që do të ketë dijen e nevojshme të brendshme se për çfarë bëhet fjalë, dhe që do garantojë një përfaqësim të lidhur me egzigjencat e lidhura me kohën. Do jetë skuadra me e vjetër në eksperiencë dhe me e reja në energji. Dje bëmë të qartë vijën parimore të ndarjes së detyrave, kush ka qoftë dhe një mandat do jetë në fushëbetejë për të marrë vota për veten dhe PS, burrat nuk diskutohen, por edhe për gratë dhe vajzat nuk përjashtohen. Në listën e mbyllur do të jenë njerëz që hyjnë për herë të parë në parlament, që vijnë nga kontribute të caktuara në shoqëri, etj”, tha Rama.
Sipas të dhënave të marra nga faqja zyrtare e Kuvendit, janë afro 60 deputetë të PS që do të jenë në garë të hapur. Më 2021 PS mori 74 mandate, nëse heqim Ramën dhe drejtuesit politikë, si dhe Petro Koçin që pritet të tërhiqet, por edhe Lujeta Bozon që flitet se do të largohet, janë afro 60 emra që do të duhet të garojnë mes tyre për një vend në Parlament.
Sipas sistemit të ri zgjedhor, 46 deputetë janë në listë të mbyllur dhe pjesa tjetër në listë të hapur. Në qytetet si Tirana, Fieri, Durrësi, etj do të ketë garë te lista e hapur. Por në qytete të vogla si Gjirokastra, Dibra apo Kukësi do futen vetëm ata që janë në listë të mbyllur dhe gara e hapur bëhet vetëm për 1 apo dy vende. Më poshtë janë anëtarët e grupit të PS që pritet të përfundojnë në listë të hapur, nëse Rama i qendron edhe nesër asaj që tha sot.
Deputetët aktualë të PS që mund të jenë në listë të hapur
1. Agron Çela
2. Alban Xhelili
3. Anduel Tahiraj
4. Anila Denaj
5. Antoneta Dhima
6. Arben Pëllumbi
7. Aurora Mara
8. Baftjar Zeqaj
9. Bardhyl Kollçaku
10. Blerina Gjylameti
11. Bujar Çela
12. Damian Gjiknuri
13. Dasantila Tahiraj
14. Denis Deliu
15. Edona Bilali
16. Eduard Ndreca
17. Enslemvera Zake
18. Erion Braçe
19. Erjon Meka
20. Ermonela Felaj
21. Etilda Gjonaj
22. Etjen Xhafaj
23. Evis Kushi
24. Fadil Nasufi
25. Fatmir Xhafaj
26. Florenc Spaho
27. Gerta Duraku
28. Hatixhe Konomi
29. Ilir Metaj
30. Ilir Ndraxhi
31. Ilir Topi
32. Ilirian Pendavinji
33. Ismet Beqiraj
34. Klevis Xhoxhi
35. Klodiana Spahiu
36. Klotilda Bushka
37. Laert Duraj
38. Lavdrim Krrashi
39. Lindita Nikolla
40. Lindita Buxheli
41. Luan Duzha
42. Luljeta Bozo (Pritet të tërhiqet)
43. Milva Ekonomi
44. Mimi Kodheli
45. Mirela Kumbaro
46. Mirela Pitushi
47. Nasip Naço
48. Niko Kuri
49. Olta Xhaçka
50. Ornaldo Rakipi
51. Pandeli Majko
52. Paulin Sterkaj
53. Petro Koçi (Tërhequr)
54. Plarent Ndreca
55. Pranvera Resulaj
56. Saimir Hasalla
57. Shpresa Marnoj
58. Tatiana Piro
59. Teuta Ramaj
60. Toni Gogu
61. Vullnet sinaj
62. Xhemal Qefalia
Lini një Përgjigje