FLASH
Shkruar nga Pamfleti
Pas kërcënimit të kryeministrit Rama se do të ketë të njëjtin fat si Salianji, ka reaguar kreu i Grupit Parlamentar të PD-së, Gazment Bardhi.
Ai ka vijuar replikat në në distancë me Ramën, teksa ironizon se një nga pasionet e fundit të kryeministrit është burgosja e deputetëve të opozitës.
Bardhi shprehet se me fjalorin e tij banal, Rama nuk do të mbulojë dot diellin me shoshë dhe e shqetëson e vërteta.
Bardhi thekson se Edi Rama është i vetmi kryeministër në Europë që trafikantët e drogës, vrasësit dhe përdhunuesit i ka bërë deputetë dhe kryebashkiakë.
Ai ka përmendur edhe dosjen "Xibraka" ku dyshohet se është i përfshirë Olsi Rama, teksa i kërkon të dërgojë në burg të vëllanë, njësoj si Fatmir Xhafa me të vëllanë.
Postimi i plotë i Bardhit:
Një qetësues për Kryeministrin e bandave!
E kuptoj që një nga pasionet e fundit të Edi Ramës është burgosja e deputetëve të opozitës. Është tundimi i çdo politikani, pushteti i të cilit nuk vjen nga vota, por nga krimi dhe korrupsioni.
E kuptoj pse nuk përmbahet edhe kur e ngjyen penën në llumin e tij personal dhe politik. Edi Ramën e shqetëson e vërteta! Ai s’mbulon dot diellin me shoshë me fjalorin e tij të pështirë.
Faktet janë se:
1. Edi Rama është Kryeministri i vetëm në botë që bëri Ministër të Brendshëm vëllanë e një trafikanti të dënuar droge nga një vend i BE!
2. Edi Rama është i vetmi Kryeministër në botë që akuzohet nga zëvendësi i tij se ka një koordinator të posaçëm për marrëdhëniet me krimin e organizuar, i cili nesër pritet të emërojë Drejtorin e ri të Përgjithshëm të Policisë së Shtetit, pas emërimit të Drejtorit të Përgjithshëm të SHISH.
3. Edi Rama është i vetmi Kryeministër në botë që ka vëllanë të dyshuar si trafikant droge. (Kallëzimi im në SPAK, në çdo formë që ti e quan, nuk e ndryshon dot faktin se Olsi Rama përdori makinën e trafikantëve të drogës në të njëjtën kohë që ata ngritën laboratorin e drogës në vitin e parë të qeverisjes së vëllait kryeministër - Procedimi 84, viti 2024).
4. Edi Rama është i vetmi Kryeministër në Europë që trafikantët e drogës, vrasësit dhe përdhunuesit i bëre deputetë dhe kryebashkiakë.
Kurdo që ta ngjyejë bojën ose të fusë kokën në llumin e vet të pështirë Edi Rama nuk duhet të harrojë një mësim të vyer të historisë së njerëzimit:
Diktatorët nuk zgjasin përgjithmonë!
P.s: Ka Geroni vëlla; por ka edhe Olsi! Madje ka një vëlla jo vetëm frikacak e të paftyrë, por edhe tërësisht vulgar e me nervat jashtë kontrollit! Fatmir Xhafaj e kreu detyrën me shumë “dinjitet”, aq sa për karrigen e pushtetit e dorëzoi në burg të vëllain me duart e tij, vetëm që të mos ballafaqohej me Ervin Salianjin në gjykatë! Taksirat e ke, si vëlla i mirë që je, dhe si zyrtar po me aq “dinjitet”, bëj edhe ti të njëjtën gjë! Por kujtohu, Fatmir Xhafajt nuk i mjaftoi për të qëndruar në pushtet dhe as ty nuk do të mjaftojë!
Lini një Përgjigje