FLASH
Shkruar nga Pamfleti
Ka zgjatur vetëm 24 minuta dhe është mbyllur mes kaosit seanca plenare e ditës së sotme në Kuvend.
Pavarësisht kësaj situate, mazhoranca ka vijuar me votimin e projektligjeve që ishin parashikuar të kalonin.
I vetmi ligj që nuk kaloi ishte ai për bastet, që u hoq nga rendi i ditës po me kërkesë të PS-së.
Ndërsa ratifikimi i marrëveshjes me Italinë për emigrantët azilkërkues mbetet ende në pritje për të marrë dritën jeshile të parlamentit. Kuvendi do të votojë vetëm pasi vendimi i zbardhur i Gjykatës Kushtetuese të jetë botuar më parë në fletoren zyrtare. Kushtetuesja dha dritën jeshile për ratifikim në një vendim të datës 29 janar.
Teksa Lindita Nikolla lexonte rendin e ditës dhe nisi votimin nen për nen për projektligjet, opozitarët vijonin t’i binin zhurmueseve.
Pavarësisht se një numër i madh i deputetëve të opozitës ishin të përjashtuar, deputetët e pranishëm, Ina Zhpa, Lefter Gështenja, Edi Paloka vijuan me skenarin e kaosit.
Ndërkohë PS rrëzoi edhe amendamentet e Bashës për t’i dhënë 50 milionë USD ndihmë Kosovës.
Pas rrëzimit të amendamentit, Lulzim Basha me deputetët e tij u largua nga salla e Kuvendit.
23 deputetët të opozitës të përjashtuar tentuan të futen në sallën plenare por nuk u lejuan. Flamur Noka i hodhi miell punonjësve të Gardës dhe sekretarit të Përgjithshëm të Kuvendit, Genc Gjoncajt.
Lini një Përgjigje