FLASH
Shkruar nga Pamfleti
Një tjetër rast që ngre pikëpyetje mbi integritetin e administratës vendore ka dalë në dritë në Dibër. Policia e këtij qarku ka njoftuar kallëzimin penal në SPAK të administratorit të njësisë administrative Xibër dhe një qytetari nga Klosi, për një seri veprash të rënda penale.
Sipas njoftimit zyrtar të Policisë së Dibrës, ata janë E.D., 36 vjeç, administrator i njësisë Xibër, dhe B.H., 57 vjeç, banues në Klos. Ata akuzohen për “Korrupsion aktiv në zgjedhje”, “Vetëgjyqësi” dhe “Pengim i qarkullimit të mjeteve të transportit rrugor”, vepra që sugjerojnë një ndërhyrje të papranueshme në proceset demokratike dhe jetën publike të komunitetit.
Ende nuk dihen detajet konkrete të ngjarjes apo mekanizmi me të cilin është kryer korrupsioni zgjedhor, por fakti që rasti ka kaluar në duart e Prokurorisë së Posaçme (SPAK) tregon për seriozitetin e çështjes. Kjo ngjarje vjen në një kohë kur tensionet politike dhe akuzat për ndikime në zgjedhje janë në rritje, veçanërisht në zonat rurale.
Pritet që SPAK të nisë hetimet e thelluara.
Lini një Përgjigje