FLASH
Shkruar nga Pamfleti
Ish-kryeministri Sali Berisha është revoltuar ditën e sotme në foltoren e Kuvendit, teksa u ka kërkuar deputetëve të mazhorancës ta lënë të flasë.
“Ke kryer krim në SHBA. Ata që paguajnë punonjës për interesa të qeverisë së tyre është e rëndë. Ti ke vazhduar me McGonigal dhe sistemin e gjobave që ushtroje me pasion të çmendur. Damian ti fole, apo Taulanti. Ju jeni Duçka dhe Neza, mos flisni kur flas unë. Më lini të flas. A nuk je ti që the mi ka ngarkuar Rama ai detyrat? Tani paske ndërruar fjalë. Ti do t’i varje dekorata dhe t’i tjetri do t’i çoje biznesmenë. Një sistem shushunjash. Kërkoni vetëm t’i nënshtroni, keni përhapur mashtrimin se janë 152 të black listuar. Ju krijonit vetëm ‘backraundin’ e gjobave që ekipi Rama-Gonigal vendoste nëpërmjet Nezës dhe Duçkës. Ju them stop manipulimit me marrëdhëniet shqiptare-amerikane. Këta së bashku me Yuri Kim bënë njoftimin për largimin. Vazhdoni me kurthet tuaja, por do ua zbërthej.
Do vijë dita që shqiptarët do e kuptojnë se ça malli jeni ju. Në traditën atërore, kundërshtarët janë për t’u zhdukur. Përdorët McGonigal për të certifikuar, për të mbyllur vjedhjet tuaja, për të sulmuar ata që denoncojnë krimin. McGonigal shkoi atje ku e meriton. Pyetjet janë 13, mund të ishin 130, ndaj dhe kërkoj me çdo kush krijimin e komisionit hetimor, me të drejtë kushtetuese. Ngrite parlamentin për masakrën dje në Tiranë, por autori ishte patronazhisti juaj, keni përgjegjësi të madhe për këtë”, tha Berisha.
Ish kryeministri tha se Ramës i ka hyrë lepuri në bark për çështjen Charles McGonigal. Ai shtoi se Rama duhet t’i përgjigjet një seri pyetjesh dhe nëse nuk e bën paralajmëron se do ketë vetëm kaos. Po ashtu paralajmëroi se do të bëjnë gjithçka që t’i heqin imunitetin diplomatik pasi sipas Berishës kishte synim të shkatërronte opozitën.
Lini një Përgjigje