FLASH
Shkruar nga Pamfleti
Një 42-vjeçar në Kurbin ka rënë në prangat e policisë pasi në hotelin në Mamurras ku qëndronte iu gjet një pistoletë dhe kokainë.
Sipas policisë, i arrestuari është Andi Krasniqi alias Andi Lleshi, 42 vjeç, banues në Mamurras. Policia ka sekuestruar armën, fishekët, lëndën narkotike dhe 2 celularë.
"Mbante pa leje, armë zjarri (pistoletë), arrestohet në ambientet e hotelit ku qendronte, në Mamurras, 42-vjeçari.
Gjatë kontrollit fizik atij iu gjet dhe sasi lënde narkotike Kokainë. Sekuestrohen arma e zjarrit me krehër dhe fishekë, si dhe sasia e Kokainës dhe 2 celularë.
Në vijim të operacioneve të zhvilluara në bazë të punës operative dhe kontrolleve, për identifikimin dhe ndalimin e shtetasve që cenojnë sigurinë e qytetarëve, duke mbajtur pa leje, armë zjarri, shërbimet e Komisariatit të Policisë Kurbin finalizuan operacionin e koduar “Alias”.
Gjatë operacionit u arrestua në flagrancë shtetasi A. K. alias A. Ll., 42 vjeç, banues në Mamurras.
Në Mamurras, gjatë kontrollit në hotelin ku 42-vjeçari qendronte, u gjet një armë zjarri (pistoletë) me krehër dhe fishekë, ndërsa gjatë kontrollit fizik, këtij shtetasi iu gjet një sasi lënde e dyshuar narkotike Kokainë. Materialet procedurale iu referuan Prokurorisë së Lezhës, për veprime të mëtejshme.", thuhet në njoftimin e policisë.
Lini një Përgjigje