FLASH
Shkruar nga Pamfleti
Dritan Rexhepi do të ekstradohet sot nga Turqia në drejtim të vendit tonë.
Siç shikohet nga foto, ai duket më i thinjur sesa fotografitë e tij të shpërndara më herët nga policia dhe Interpol.
Rexhepi në vendin tonë akuzohet për tre vepra penale: rrëmbimi dhe zhdukja e Jan Prengës, vrasje në Krujë vite më parë, falsifikim dokumentesh në Fier.
I shumëkërkuari Dritan Rexhepi do të ekstradohet sot nga Turqia në Shqipëri.
Përmes një njoftimi, Policia e Shtetit bën me dije se ekstradimi do të kryhet, si rezultat i rezultat i bashkëpunimit ndërmjet Interpol Tiranës dhe homologëve në Turqi. Rexhepi, i cilësuar si kreu i kartelit të drogës me emrin ‘Kompania Bello’, kërkohej nga Italia dhe Shqipëria nën akuzën se transportonte drogë nga Amerika e Jugut në Evropë. Po ashtu ai akuzohet se ka urdhëruar marrjen peng dhe vrasjen e Jan Prengës.
Siç raportuan mediat turke në atë kohë, Rexhepi kishte hyrë në Turqi me pasaportë false kolumbiane, ndërsa u kap më 10 nëntor gjatë një operacioni në Stamboll.
"Si rezultat i bashkëpunimit ndërmjet Interpol Tiranës dhe homologëve në Turqi, pritet që ditën e sotme, të ekstradohet në Shqipëri, shtetasi i shumëkërkuar Dritan Rexhepi alias Gramos Rexhepi.
Ora e mbërritjes së këtij shtetasi do t’ju njoftohet në vijim, ndërsa informacioni i detajuar për të, bashkëlidhur me pamje filmike, do t’ju vihet në dispozicion pas mbërritjes së tij në Rinas", thuhet në njoftimin e policisë.
Lini një Përgjigje