FLASH
Shkruar nga Pamfleti
Një 28-vjeçar është shpallur në kërkim nga policia e Kukësit pasi dyshohet se ka qëlluar me armë zjarri në drejtim të shtëpisë së familjarëve të bashkëjetueses së tij.
Policia ka arrestuar babain e tij, pasi tentoi të pengojë zbulimin e së vërtetës.
Policia gjeti dhe sekuestroi pistoletën me të cilën qëlloi 28-vjeçari. Gjatë kontrolleve në banesën e babait të tij, u gjetën 1 kallëp tritol, 1 armë gjahu, municion dhe 1 përforcues grushti, që u sekuestruan bashkë me 2 automjete.
Ngjarja e rëndë ka ndodhur në fshatin Bicaj, ndërsa i riu që akuzohet se qëlloi me armë është nga fshati Shtiqën, pak kilometra larg nga qyteti i Kukësit.
"Menjëherë pas njoftimit se me qëllim kanosjen, 1 shtetas kishte qëlluar 1 herë, me armë zjarri pistoletë, në drejtim të banesës së bashkëjetueses së tij dhe familjarëve të saj, në fshatin Bicaj, specialistët e Seksionit për Hetimin e Krimeve të Komisariatit të Policisë Kukës kanë organizuar punën dhe kanë mbërritur në vendngjarje, për të zbardhur rrethanat e rastit.
Si rezultat i hetimeve u identifikua dhe u shpall në kërkim autori i dyshuar i këtij rasti shtetasi B. H. (A)., 28 vjeç, banues në fashtin Shtiqen, për kapjen e të cilit, Policia vijon intensivisht punën.
Në vijim të veprimeve procedurale për këtë rast, u arrestua në flagrancë babai i 28-vjeçarit, shtetasi B. A., 54 vjeç, sepse duke fshehur gëzhojën, tentoi të pengojë zbulimin e së vërtetës në lidhje me rastin, si dhe sepse gjatë kontrollit në banesë iu gjetën 1 kallëp tritol, 1 armë gjahu, municion dhe 1 përforcues grushti.
Materialet procedurale i kaluan Prokurorisë së Kukësit, për veprime të mëtejshme", njoftoi policia.
Lini një Përgjigje