FLASH
Shkruar nga Pamfleti
Një atentat me pasojë një të vdekur ndodhi dy ditë më parë në Greqi. Mediat fqinje bënë me dije se viktima është 54-vjeçari Panagiotis Stathis dhe ka qenë topograf. Ai ka qenë aktiv në Mykonos dhe sipas burimeve policore tre vite më parë ka qenë viktimë e një rrahjeje. Por portali grek “Zoungla”, në një artikull të publikuar sot, fut në valle shqiptarët. Madje aty përmenden Alfons Ndoci, që u vra në burgun e Koridhalos dhe Laert Haxhiu, i ekstraduar dje nga Greqia.
Artikulli
Ndërsa dyshimet kryesore fillimisht u drejtuan në "trekëndëshin" e bashkëpunëtorëve të topografit të vrarë, Panagiotis Stathis, në Psychiko jashtë zyrës së tij, një trekëndësh i përbërë nga kryetari i bashkisë së ishullit, Christos Veronis dhe kontraktori, Nikolas Santoriniou, megjithatë dolën prova të reja për bashkëpunimin e drejtpërdrejtë të zyrtarëve të policisë, rojes bregdetare dhe shërbimeve të tjera, me tre kontraktorët kryesorë të zonës.
Shqiptari i vrarë pak ditë më parë në burgun e Koridhalos, Alfons Ndoci, kishte punuar më parë për kontraktorin e njohur shqiptar të Mykonos, Tonin Preka.
Sulmi në zyrën e kontraktorit shqiptar
Në nëntor 2022, katër burra hynë në zyrat e një kontraktori shqiptar 41-vjeçar, Tonin Preka, me pistoleta dhe leva. Njëri prej tyre e mbante nga qafa, ndërsa i dyti e godiste në kokë dhe këmbë. Mirëpo, njëri prej autorëve ka harruar pistoletën në tavolinë, të cilën kontraktori e ka marrë në rastin e parë dhe më pas ka nisur t'i kërcënojë edhe ata.
Autorët më pas u larguan, por arritën të zhvatin 30 mijë euro, ndërsa kontraktori bëri kallëzim për sulm. Dy prej autorëve u arrestuan pas një ndjekjeje episodike në qendër të Athinës.
Çështjet gjyqësore që përfshijnë Ndocin dhe dëbimin "misterioz" të vrasësit shqiptar
Mbetet mister pse Laert Haxhiu, i akuzuar për vrasjen e Ndocit në burgun e Koridhalos, në vend që të qëndronte në Athinë dhe të gjykohej, u ekstradua të mërkurën, më 3 korrik, me asistencën e EKAM-it, në Shqipëri për krime që kishte kryer atje. Për saktësinë e kallëzimit, Laert Haxhiu u arrestua në Greqi, jo për krime të kryera në vendin tonë, por në bazë të një urdhër-arresti ndërkombëtar. Prandaj, ekstradimi i tij në Shqipëri ishte në pritje për një sërë krimesh që ai ka kryer në atë vend.
Në dosjet për rrahjen e hotelierit Florios Asimomytis në Mykonos, një tjetër rast që kishte pushtuar ishullin, Ndoci, pas një “kontrate” kishte rrahur Asimomytis, të cilit i kishte treguar, për arsye të panjohura se kush e kishte dërguar. Gjykimi për këtë çështje është në pritje.
Si ka mundësi që ishulli i Mykonosit të rrënohet nga tre grupe, “kontratat” e vdekjes dhe rrahjet? Grupi që rrahu brutalisht arkeologun, Manolis Psarros dhe hotelierin Asimomytis, po kontrollohet nga zyrtarët e ELAS-it për të parë nëse “e kanë larguar ata Ndocin nga rruga” si dhe inxhinierin topograf, Panagiotis Stathis. Gjithashtu po kontrollohet nëse ky operacion pastrimi është kryer me “kontrata” vdekjeje nga xhelatët shqiptarë, të cilët ose vijnë nga Shqipëria e Jugut, ose mbeten ende në Greqi.
Si ka mundësi që Mykonos, të jetë dorëzuar në duart e mafiozëve, për interesat e të cilëve është vrarë në të kaluarën polici Spyros Papachristos e shumë të tjerë? /Pamfleti
Lini një Përgjigje