FLASH
Shkruar nga Pamfleti
Është zbardhur dëshmia e punonjëses së argjendarisë që u grabit të shtunën në Kamëz nga dy persona të maskuar.
Në deklarimin e saj para hetuesve, punonjësja ka treguar se nuk ka pasur asnjë kontakt apo përballje me autorët gjatë momentit të grabitjes, pasi ndodhej në pjesën e pasme të dyqanit.
“Nuk kam pasur asnjë përballje me autorët në momentin e grabitjes. Isha në banak, por në pjesën e pasme të tij”, rrëfeu punonjësja.
Ndërkohë, policia vijon hetimet për identifikimin dhe kapjen e autorëve, të cilët dyshohet se kanë marrë sende ari dhe argjendi. Deri tani janë shoqëruar disa persona për verifikime, ndërsa uniformat blu kanë zbuluar edhe itinerarin e lëvizjes së grabitësve pas largimit nga vendngjarja.
Lini një Përgjigje