FLASH
Shkruar nga Pamfleti
Një zjarr ka përfshirë tregun e fruta perimeve në Lushnje. Si pasojë e flakëve raportohen dëme të shumta materiale, ndërkohë që nuk ka të lënduar.
Flakët janë konstatuar rreth orës 03:30 të së martës, ndërsa autoritetet po hetojnë lidhur me shkaqet e zjarrit. Nga raportimet mësohet se flakët kanë shkrumbuar një pjesë të konsiderueshme të tregut dhe mallin.
Tregu monitorohet nga kamera sigurie, çka mund të hidhet dritë mbi shkaqet e zjarrit.
Grupi i punës nga emergjencat civile të bashkisë po evidenton dhe regjistrin dëmet, ndërsa ende nuk dihet akoma nëse zjarri ishte aksidental apo i qëllimshëm.
Kjo nuk është hera e parë kur tregjet në qytete të ndryshme të vendit përfshihen nga flakët. Zjarreve nuk i kanë shpëtuar tregje në Tiranë apo Durrës, ndërsa hetimet nuk kanë zbuluar nëse ato kanë qenë të qëllimshme apo janë shkaktuar nga pakujdesitë.
Lini një Përgjigje