FLASH
Shkruar nga Pamfleti
Erjon Alibej, njëri nga bashkëpunëtorët e drejtësisë, gjatë seancës së sotme gjyqësore të “Plumbit të Artë”, tha se disa media kanë inskenuar, duke e prekur atë dhe familjen e tij në moral.
Alibej tha para gjykatës se në rast se do përsëritet e njëjta gjë atëherë do të duhet t’i drejtohet me kërkesë trupës gjyqësore që në seancë të jetë i pranishëm ose ai, ose gazetarët e kronikës.
“I sugjeroj gazetarëve të kthejnë gishtin nga vetja përpara se të flasin për të tjerët. Jemi pak të shqetësuar për këtë situatë”, u shpreh bashkëpunëtori i drejtësisë përpara togave të zeza.
Seanca gjyqësore nuk u zhvillua sot dhe u shty për të martën në orën 10.00, për shkak të mungesës së dy mbrojtësve ligjorë.
Gjykata e Posaçme vendosi pezullimin e afateve të paraburgimit për të gjithë të pandehurit deri në seancën e ardhshme.
Lini një Përgjigje