FLASH
Shkruar nga Pamfleti
8 zyrtarë dhe ish-zyrtarë të Agjencisë së Kadastrës në Vlorë janë kallëzuar për shpërdorim detyre. Ka qenë vetë Drejtoria e Përgjithshme e Agjencisë Shtetërore të Kadastrës që ka dorëzuar padi në SPAK, pasi pas verifikimeve të kryera, janë evidentuar shkelje të rënda në dhënien e lejes së legalizimit dhe titullit të pronësisë në cenim të truallit të Komunitetit Mysliman.
Duhet theksuar se pak ditë më parë u emërua në krye të Kadastrës Dallëndyshe Bici, e cila pasoi në këtë post Artan Lamen. Si duket Bici e ka nisur me goditje nga brenda. Kadastra e Vlorës është një nga institucionet më problematike në vend. Drejtorët aty janë ndërruar prej muajsh për shkak të aferave dhe presioneve.
Të kallëzuarit janë:
Erdet Mandi, aktualisht Drejtor i ASHK-Vlorë;
Bilbil Aliaj, ish- Drejtor i ASHK Vlorë;
Renato Beshaj, ish-përgjegjës i sektorit të legalizimeve ASHK Vlorë;
Denis Metaj, ish- përgjegjës i sektorit hartografisë;
Dorjana Ferati, ish-përgjegjës i sektorit të çështjeve të pronësisë, aktualisht përgjegjëse e arshivë- protokollit ASHK Vlorë;
Anisa Golemi, specialiste ASHK Vlorë;
Bojkena Bani, ish-specialiste ASHK Vlorë;
Teuta Meço, specialiste ASHK Vlorë;
Lini një Përgjigje