FLASH
Shkruar nga Pamfleti
Rusia ka nisur sot votimet e parakohshme në territoret e Ukrainës që ka vënë nën kontrollin e saj, në kuadër të zgjedhjeve që do të mbahen në disa rajone të Rusisë më 10 shtator.
Moska ka vënë nën kontrollin e saj pak më pak se 20% të territorit ukrainas: Krimenë, të cilën e aneksoi në vitin 2014, si dhe pjesën më të madhe të Oblastit të Luhanskut dhe pjesë të Donetskut, Zaporizhias dhe Khersonit.
Zgjedhjet në këto zona, të cilat Ukraina i ka dënuar, do të mbahen më 10 shtator, por autoritetet pushtuese po zhvillojnë “votim të hershëm” nga sot në rajonet e Donetsk dhe Zaporizhia dhe nga 2 shtatori në ato të Kherson dhe Luhansk.
Presidenti rus, Vladimir Putin ka zgjedhur guvernatorët nga politikanët veteranë pro-rusë.
“Zyrtarët e instaluar nga Rusia do të ecin nga shtëpia në shtëpi, siç bënin më parë, duke folur me njerëzit. Aty pranë qëndrojnë dy ushtarë, me automatikë dhe i thonë popullit se duhet të votojnë. Është e qartë se nuk ka besim nga njerëzit ndaj këtij procesi, i cili duhet të quhet zgjedhje e rreme”, tha kryebashkiaku ukrainas në mërgim i Mariupolit, Vadym Boichenko.
Lini një Përgjigje