FLASH
Shkruar nga Pamfleti
Ambasadori i Iranit në Liban refuzon të largohet nga vendi, pavarësisht vendimit zyrtar të autoriteteve libaneze për ta shpallur “person non grata” dhe për ta dëbuar brenda afatit të përcaktuar.
Sipas një burimi diplomatik iranian, ambasadori Mohammad Reza Sheibani do të qëndrojë në Liban, duke sfiduar vendimin e Ministrisë së Jashtme libaneze.
Mediat e huaja raportojnë se ky qëndrim lidhet edhe me mbështetjen politike nga figura dhe grupe të rëndësishme në vend.
"Ambasadori do të qëndrojë në Liban në përputhje me dëshirat e Nabih Berri dhe të Hezbollah”, citohet të ketë thënë burimi diplomatik.
Vendimi për dëbimin e tij është kundërshtuar hapur nga Hezbollah dhe nga lëvizja Amal, e drejtuar nga kryetari i parlamentit, Nabih Berri.
Në shenjë proteste ndaj këtij vendimi, të dyja forcat politike bojkotuan një seancë të kabinetit gjatë kësaj jave, duke e thelluar më tej krizën politike në vend.
Nga ana tjetër, Ministria e Jashtme e Libanit e justifikon vendimin me deklaratat e ambasadorit, të cilat sipas saj “ndërhynin në politikën e brendshme” të vendit.
Lini një Përgjigje