FLASH
Shkruar nga Pamfleti
Në një deklaratë ditën e sotme, zëdhënësi i Kremlinit tha se nuk po monitoron lëvizjet e kreut të Wagner, i cili është kthyer në Rusi.
“Ne nuk po monitorojmë lëvizjet e tij,” u tha gazetarëve zëdhënësi i Kremlinit Dmitry Peskov, duke shtuar se presidenti rus Vladimir Putin komunikon vazhdimisht me homologun e tij bjellorus Alexander Lukashenko.
Rikujtojmë se presidenti i Bjellorusisë, Aleksandër Lukashenko tha se Prigozhin është në Rusi dhe jo në Bjellorusi, siç parashikohej në marrëveshjen që i dha fund rebelimit të tij.
“Kjo është një kompani ruse. Pra, padyshim që pyetjet mbi të nuk janë për mua. Me sa jam i informuar, luftëtarët gjenden në kampet e tyre. Sa për Prigozhin, ai është në Shën Peterburg. Nuk është në territorin e Bjellorusisë”, citohet të ketë thënë Lukashenko.
Qëndrimi i tij në Bjellorusi ishte pjesë e paktit që i dha fund rebelimit të armatosur të grupit të vet mercenar. Lukashenko insiston se oferta e tij për t`i vendosur luftëtarët e grupit Wagner në Bjellorusi mbetet në fuqi, ndërsa nuk shqetësohet se mercenarët mund t`i kthehet kundër por arsyeton se në vend të kësaj, ata mund të përdoren për ta mbrojtur këtë vend.
The Guardian shkruan se përmes disa mesazheve në rrjetin Telegram, Prigozhini ka falenderuar mbështetësit e tij brenda Rusisë. “Sot na nevojitet ndihma juaj më shumë se kurrë”, ka shkruar ai në njërin prej postimeve, ku thekson se “fitore të reja na presin në të ardhmen e afërt”. Në fund të qershorit, mercenarët e Wagner-it morë shkurtimisht kontrollin e qytetit rus, Rostov-mbi-Don, dhe më pas marshuan drejt Moskës. Por, ata u ndalën pak para se të arrinin në kryeqytetin rus, pas marrëveshjes së ndërmjetësuar nga Lukashenko.
Lini një Përgjigje