FLASH
Shkruar nga Pamfleti
Genc Nimandbegu, është një nga deputetët shqiptarë të sapozgjedhur për të përfaqësuar shqiptarët në parlamentin e Malit të Zi.
Si deputet i sapozgjedhur ai tha se tashmë shqiptarët do të kenë një përfaqësim më të madh në parlamentin e Malit të Zi për shkak se me garimin në dy lista arritën të fitonin më shumë deputetë.
Gjithashtu Nimanegu tha se ai dhe deputetët e tjerë shqiptarë presin dhe kërkojnë mbështetje, për sa u takon çështjeve që prekin shqiptarët, nga Kosova dhe nga Shqipëria, pasi siç u shpreh ai kjo ka munguar më parë.
“Është kënaqësi që më në fund do kemi edhe një madat më tepër në ksitat shqiptare. Ne kemi garuar në dy lista dhe do kemi një numër më të madh shqiptarësh se më parë. Këto zgjedhje kanë dëshmuar lëvizje tektonike më politikën e brenddshme të Malit të Zi.
Tashmë do kemi komplet një drejtpeshim tjetër në politikën e Malit të Zi pas tre viteve bredhje politik e me koalicione të sinqerta apo të pasinqerta, ndikimit të kishës mund të jepet mundësia për formimin e një qeverisjeje më stabile. Ne presim mbështetje nga Kosova dhe nga Shqipëria, pasi më parë nga Shqipëria nuk kemi pasur më herët mbështetje dhe shpresoj që kjo të ndryshojë”,-tha për Euronews Albania, Genc Nimanbegu.
Si asnjëherë më parë, 6 deputetë shqiptarë do të jenë në parlamentin e ri të Malit të Zi, nga 81 në total.Tre prej tyre duke përfaqësuar direkt shqiptarët dhe interesat e tyre përmes partive nacionale.
Pas përfundimit të procesit të numërimit, 2 mandate deputetesh siguroi koalicioni “Forumi Shqiptar” i Nik Gjeloshajt dhe një ulëse në Kuvend e mori Genc Nimanbegu me koalicionin “Aleanca Shqiptare”. Rritje të rëndësishme në këto zgjedhje shënoi “Forumi Shqiptar” që pervec Gjeloshajt, në Kuvend do të çojë edhe Nikollë Camajn.
Lini një Përgjigje