FLASH
Shkruar nga Pamfleti
McGonigal dhe një bashkëpunëtor i tij, dyshohet se përdorën kompani guaska për të dërguar dhe marrë pagesa nga oligarku rus, Deripaska.
Ish drejtuesi i lartë i FBI-së, Charles McGonigal është dënuar me katër vite e një muaj arrest me burg për ndihmën që i dha një oligarku rus i cili donte të hiqej nga lista e sanksioneve amerikane.
Prokurorët kishin kërkuar pesë vjet burg për çështjen e Nju Jorkut, ndërsa McGonigal kishte kërkuar që të mos qëndronte pas hekurave.
McGonigal ishte agjenti special i ngarkuar me divizionin e kundërzbulimit të FBI-së në Nju Jork para se të tërhiqej në vitin 2018. Në atë rol, ai kishte për detyrë të hetonte oligarkët rusë. Prokurorët thonë se ai dhe ish-diplomati rus Sergey Shestakov kanë shkelur sanksionet e SHBA-së duke rënë dakord t'i ofrojnë shërbime miliarderit dhe industrialistit rus Oleg Deripaska. SHBA e sanksionoi Deripaskën në vitin 2018 pasi e akuzoi atë dhe disa oligarkë dhe zyrtarë të tjerë rusë për "aktivitet keqdashës në mbarë globin".
Prokurorët ngritën pretendimet se dy individët ranë dakord të ndihmonin oligarkun Deripaska për të hequr sanksionet e tij. Ata premtuan gjithashtu se do të hetonin një oligark rival, Vladimir Potanin. McGonigal dhe një bashkëpunëtor i tij, dyshohet se përdorën kompani guaska për të dërguar dhe marrë pagesa nga oligarku rus, Deripaska.
“McGonigal abuzoi me detyrën dhe me ndikimin që vendi i tij i kishte besuar duke punuar fshehurazi për kërcënimet nga të cilat ai e kishte mbrojtur vendin më parë. Askush nuk e dinte më mirë peshën e krimeve të McGonigal sesa vetë McGonigal”, shkruan prokurorët në dosjen gjyqësore.
Ndërkohë, avokatët mbrojtës të McGonigal kanë pohuar se diskreditimi i tij dhe humbja e vendit të punës janë dënim i mjaftueshëm për të. Si dhe propozuan se gjykata duhet të marrë parasysh dhe shërbimin e tij të gjatë për shtetin amerikan, para se të merrnin një vendim.
Vlen të theksohet se ai akuzohet në Uashington dhe për një çështje tjetër. Sipas dosjes ai akuzohet se ka fshehur mijëra dollarë para të thata nga një ish-punonjës i inteligjencës shqiptare në vitin 2017. Në atë që quhet dosja shqiptare përmendet dhe kryeministri Edi Rama. Kjo çështje pritet të kalojë për gjykim më datë 16 shkurt të 2024./BBC
Lini një Përgjigje