FLASH
Shkruar nga Pamfleti
Ministria e Jashtme ruse njoftoi sot se ka thirrur Ambasadoren e Finlandës në Rusi, Marja Liivala, për t'i dorëzuar një protestë të fortë zyrtare lidhur me djegien e flamurit shtetëror rus para ndërtesës së Ambasadës Ruse në Helsinki, më 24 shkurt.
Sipas deklaratës së Ministrisë së Jashtme ruse, incidenti ndodhi gjatë një proteste që përkoi me përvjetorin e katërt të pushtimit të plotë rus të Ukrainës. Persona të paidentifikuar dogjën flamurin rus para objektit diplomatik.
"Një protestë e vendosur iu paraqit kreut të misionit diplomatik finlandez për shkak të një provokimi që ndodhi përpara ndërtesës së ambasadës ruse në Finlandë më 24 shkurt, kur persona të paidentifikuar dogjën flamurin shtetëror të Federatës Ruse", thuhet në deklaratën zyrtare ruse.
Pala ruse e cilësoi aktin si "një akt të hapur dhe blasfemues kundër simbolit shtetëror të Rusisë", duke theksuar se ai përbën një provokim të rëndë dhe duke kërkuar nga autoritetet finlandeze që të marrin masa për të parandaluar incidente të ngjashme në të ardhmen.
Incidenti vjen në një kohë tensionesh të larta mes dy vendeve, që nga anëtarësimi i Finlandës në NATO në prill 2023 dhe mbyllja e kufijve tokësorë me Rusinë.
Më 24 shkurt 2026, në Helsinkë u mbajtën protesta masive kundër luftës në Ukrainë, ku u vunë re edhe veprime simbolike si shkelja e flamurit rus nën rrota të makinave ose djegia e tij, si shprehje e solidaritetit me Ukrainën
Lini një Përgjigje