FLASH
Shkruar nga Pamfleti
Një tramvaj doli nga shinat në Milano dhe u përplas me një dyqan, duke shkaktuar vdekjen e një personi dhe plagosjen e 39 të tjerëve.
Shumica e të lënduarve ndodheshin brenda mjetit në momentin e aksidentit. Autoritetet raportojnë se një prej tyre paraqitet në gjendje të rëndë. Tramvaji kishte hyrë në shërbim vetëm pak javë më parë dhe ishte i mbushur me pasagjerë kur humbi kontrollin, doli nga shinat dhe përfundoi mbi trotuar.
Viktima u nxor nga poshtë tramvajit. Dyshohet se bëhet fjalë për një kalimtar që po lëvizte pranë vendit të ngjarjes në çastin e përplasjes.
Pamje të regjistruara nga persona të pranishëm tregojnë momentin kur mjeti devijon nga trasa dhe godet fasadën e dyqanit.
???????? ???????????????????????????? ???????????????????????? ????????????????’???????????????????????????? ⬇️#Milano #Tram pic.twitter.com/a26GZdncN6
— Mi-Tomorrow (@MiTomorrow) February 27, 2026
Prokurori i Milanos, Marcello Viola, shkoi në vendngjarje dhe po përgatit hapjen e një procedimi penal për vrasje nga pakujdesia, me qëllim sqarimin e rrethanave që çuan në aksident.
Lini një Përgjigje