FLASH
Shkruar nga Pamfleti
Në aksin nacional Librazhd–Pogradec, në vendin e quajtur “Arrat e Gurrës”, janë thelluar çarjet ekzistuese në trupin e rrugës, duke krijuar rrezik potencial për përdoruesit e këtij segmenti.
Sipas Autoritetit Rrugor Shqiptar (ARRSH), për shkak të situatës së krijuar janë ndërmarrë masa emergjente parandaluese me qëllim shmangien e aksidenteve të mundshme dhe garantimin e sigurisë rrugore.
Duke nisur nga sot, në koordinim me Policinë e Shtetit, qarkullimi i mjeteve në zonën ku është evidentuar rrëshqitja do të kryhet me një korsi. Për disiplinimin e trafikut është vendosur semafor, i cili do të rregullojë lëvizjen alternative të mjeteve në të dy drejtimet.
Në vijim, autoritetet bëjnë të ditur se pritet të realizohet edhe një korsi provizore në anën e majtë të rrugës, me synim sigurimin e qarkullimit normal në të dy kahët.
Autoritetet u bëjnë thirrje drejtuesve të mjeteve dhe banorëve të zonës për mirëkuptim, duke theksuar se kufizimet janë të përkohshme dhe të domosdoshme për garantimin e sigurisë në këtë segment rrugor.
Lini një Përgjigje