FLASH
Shkruar nga Pamfleti
Një shtyllë e linjës së tensionit të mesëm 110 kV, e cila furnizon me energji elektrike zonat e Librazhdit dhe Prrenjasit, rrezikon të rrëzohet si pasojë e rrëshqitjeve të dherave në zonën e njohur si “Arrat e Gurrave”.
Sipas informacioneve paraprake, rrëshqitjet e dherave kanë prekur bazamentin e shtyllës, duke krijuar rrezik potencial për stabilitetin e saj dhe për vazhdimësinë e furnizimit me energji në këto dy bashki.
Specialistët e Operatorit të Sistemit të Transmetimit (OST) ndodhen në terren për të monitoruar situatën dhe për të vlerësuar ndërhyrjet e nevojshme teknike. Deri më tani nuk raportohet për ndërprerje të energjisë, ndërsa autoritetet po ndjekin nga afër zhvillimet.
Nuk është bërë ende e ditur nëse do të nevojitet ndërhyrje emergjente për stabilizimin e shtyllës apo për devijimin e përkohshëm të linjës. Situata mbetet nën vëzhgim nga strukturat përkatëse.
Lini një Përgjigje