FLASH
Shkruar nga Pamfleti
Është kthyer padyshim në një lëgjendë të klubit, mirëpo duket se ardhmja e qendërmbrojtësit holandez, Virxhil van Dajk shihet larg “Anfield Road”.
“Tulipanit” i ka mbetur edhe një vit kontratë me “Të Kuqtë” e Liverpulit, teksa pas barazimit në “Emirates”, ndaj “Topçinjve” të Arsenalit është shprehur se gjithçka është e hapur për të ardhmen e tij dhe se aktualisht është i fokusuar vetëm te forma e tij fizik dhe mentale, ku deri më tani është një nga lojtarët më të ekipit të Arne Slot këtë sezon.
“Jam shumë i qetë. E kam thënë tashmë shumë herë. Le të shohim se çfarë do të ndodhë në fund të sezonit. Po e shijoj futbollin tim, ndihem shumë mirë fizikisht dhe mendërisht. Po kaloj një moment të mirë”,- u shpreh holandezi.
Ndërkaq, kujtojmë se Van Dajk u transferua te Liverpuli, nga “Shenjtorët” e Ssuthemptonit për shifrën e 85 milionë eurove, ku me fanelën e “Të Kuqve” ka zhvilluar në total 282 sfida, ku ka shënuar 25 gola e ka asistuar 12 të tjerë e sa i përket trofeve ka fituar plot 8 të tillë, ku padyshim më të rëndësishmit janë UEFA Champions League dhe Premier Liga.
Lini një Përgjigje