FLASH
Shkruar nga Pamfleti
Në 24 orët e fundit është raportuar për një propozim të bërë nga Paolo Zampolli, i dërguar special për partneritetin global i ish-presidentit amerikan Donald Trump, lidhur me përfshirjen e Italisë në Botërorin 2026. Sipas mediave, Zampolli i ka kërkuar Trump që të ndikojë te presidenti i FIFA-s, Xhani Infantino, për të zëvendësuar Iranin me Italinë në këtë turne.
Ky propozim, sipas raportimeve, lidhet me zhvillimet e fundit në Lindjen e Mesme dhe me traditën e gjatë të Italisë në kompeticionet ndërkombëtare të futbollit. Megjithatë, ideja nuk është pritur pozitivisht nga opinioni sportiv dhe as nga vetë përfaqësuesit institucionalë në Itali.
Presidenti i Komitetit Olimpik Italian, Luçiano Buonfilio, ka shprehur hapur kundërshtimin e tij. “Së pari, nuk mendoj se është e mundur. Së dyti, do të ndihesha i fyer. Duhet ta meritosh pjesëmarrjen në Botëror”, është shprehur ai.
Në të njëjtën linjë ka qenë edhe ministri italian për Sportin, Andrea Abodi. Ai e ka cilësuar të papërshtatshme një ftesë të mundshme për Italinë, duke theksuar se pjesëmarrja në Botëror fitohet në fushën e lojës dhe jo përmes ndërhyrjeve të jashtme.
Reagimet zyrtare duket se e kanë mbyllur shpejt debatin, duke e lënë propozimin pa mbështetje konkrete dhe pa gjasa për t’u materializuar.
Kujton BOLE TRAMPI FEMIJEQIRESI se jane EUROPIANET si ai vete ,hahahaha… BRAVO ITALIA!!! Kujton se ben ligjin ne tere Boten,hahahaha… Fatkeqsisht i ra ne hise IRANIT me i’a ule BREKET e PORDHET ketij QENEFI. RR O F T E EUROPA !!!