FLASH
Shkruar nga Pamfleti
Përfundojnë dy ndeshjet e para të javës së 30 të Abissnet Superiore. Në “Loro Boriçi”, Vllaznia priti Skënderbeun. Miqtë gjetën të parët golin që në minutën e 10 me Nasr, sulmuesi i korçarëve u tregua vërtet i zoti dhe bëri një finalizim shumë të bukur.
Vllaznia barazoi shifrat në fillimin e pjesës së dytë, ku Klinti Qato përfitoi nga një gabim i korçarëve në mbrojtje dhe dërgoi topin në rrjetë me një goditje shumë të bukur. Në minutën e 83, ishte sërish Saleh Nasr që shënoi golin e dytë dhe kaloi në avantazh Skënderbeun. Shifrat përfundimtare, Vllaznia-Skënderbeu 1-2.
Në “Rrogozhinë”, Egnatia priti Tiranën. Vendasit kaluan të parët në avantazh në minutën e 35, shënoi Elion Sota pas krosimit të ardhur nga goditja e këndit. Bardheblutë barazuan shifrat në 1-1 në fund të pjesës së parë me Soler, i cili përfitoi nga përgjumja e vendasve dhe dërgoi topin në rrjetë.
Në minutën e 73, Egnatia mbeti me 10 lojtarë, pasi Serxho Ujka mori kartonin dytë të verdhë dhe doli nga fusha. Në minutat e fundit edhe Tirana mbeti me 10 lojtarë, por rezultati nuk ndryshoi. Shifrat përfundimtare, Egnatia-Tirana 1-1.
Ditën e nesërme luhen edhe 3 sfidat e tjera të javës së 30:
Bylis-Laçi 15:00
Elbasani-Dinamo 18:00
Partizani-Teuta 18:00
Lini një Përgjigje