FLASH
Shkruar nga Pamfleti
Beshiktashi ka zyrtarizuar dje largimin e trajnerit Sergen Jalçin. Tekniku 53-vjeçar largohet pas një sezoni që është konsideruar zhgënjyes nga drejtuesit dhe tifozët e klubit turk.
Një nga vendimet më të diskutuara të Jalçinit ishte edhe hapja e rrugës për huazimin e Ernest Muçit te Trabzonspori. Pas largimit nga Beshiktashi, sulmuesi shqiptar arriti të shfaqte potencialin e tij dhe të spikaste me paraqitje pozitive, çka ka shtuar kritikat ndaj ish-trajnerit.
Një pjesë e tifozëve ia atribuojnë Jalçinit përgjegjësinë për largimin e Muçit, duke besuar se futbollisti nuk u vlerësua siç duhej gjatë kohës te Beshiktashi.
Nga ana tjetër, trajneri kishte vendosur në merkaton e dimrit të afronte në formë huazimi mesfushorin shqiptar Kristjan Asllani nga Interi. Megjithatë, rezultatet e ekipit nuk arritën pritshmëritë, ndërsa vendi i katërt në kampionat është konsideruar një dështim për objektivat e klubit.
Njoftimi i Beshiktashit:
“Beshiktash njofton se ka rënë dakord të ndajë rrugët me trajnerin kryesor Sergen Jalçın. Deklarata e mbërritur nga klubi është si më poshtë:
‘Kontrata e Z. Sergen Jalçın, trajnerit kryesor të ekipit tonë profesional të futbollit, është ndërprerë në mënyrë të ndërsjellë që nga 18 maji 2026’.
E falënderojmë Sergen Jalçın për kontributet e tij në klubin tonë dhe i urojmë suksese në karrierën e tij të ardhshme”.
Lini një Përgjigje