FLASH
Shkruar nga Pamfleti
Sipas mediave angleze, drejtuesit e Mançester Sitit janë duke u përgatitur për epokën pas Guardiolës, me Enco Mareskën që shihet si kandidati kryesor për të marrë drejtimin e skuadrës. Italiani, i cili ka qenë më parë pjesë e stafit të teknikut spanjoll, konsiderohet si profili ideal për të vazhduar filozofinë e klubit.
Megjithatë, emërimi i tij nuk pritet të jetë i lehtë. Çelsi, që ende mban nën kontratë Mareskën pavarësisht largimit të tij nga drejtimi i ekipit në muajin janar, ka bërë të qartë se nuk do të lejojë transferimin e trajnerit pa përfitime financiare.
Klubi londinez kërkon kompensim ekonomik për prishjen e kontratës dhe, sipas raportimeve, ka paralajmëruar edhe ndjekje ligjore ndaj Mançester Sitit nëse vazhdon kontaktet me trajnerin pa një marrëveshje zyrtare mes palëve.
Situata është bërë edhe më e ndërlikuar për shkak të deklaratave të mëparshme nga drejtues të Çelsit, të cilët lanë të kuptohej se largimi i Mareskës në janar nuk kishte ardhur si iniciativë e klubit, duke shtuar dyshimet mbi prapaskenat e ndarjes së tij me londinezët.
Lini një Përgjigje