FLASH
Shkruar nga Pamfleti
Keidi Bare është rikthyer sot në stërvitje me Real Zaragozën, duke lënë pas shqetësimet fizike që e mbajtën larg fushës në javët e fundit. Mesfushori shqiptar i jep kështu një sinjal pozitiv skuadrës së tij në prag të përballjes delikate ndaj Burgos.
Bare mungoi në tre javët e fundit të kampionatit, në një moment të vështirë për ekipin spanjoll. Real Zaragoza ndodhet në vendin e fundit të renditjes dhe konsiderohet aktualisht si një nga pretendentët kryesorë për rënien nga kategoria. Situata në klub mbetet e tensionuar, ndërsa çdo pikë në këtë fazë të sezonit është jetike.
Megjithatë, mbetet për t’u parë nëse trajneri Ruben Seles do ta ketë në dispozicion mesfushorin për sfidën e së dielës. Vendimi përfundimtar pritet të merret në orët në vijim, në varësi të gjendjes fizike të lojtarit dhe vlerësimit të stafit teknik.
Në këtë fazë të kampionatit, çdo ndeshje për Zaragozën shihet si një “finale”, ndërsa skuadra kërkon të shmangë rënien nga kategoria.
Nga ana tjetër, Bare nuk është ftuar në Kombëtaren shqiptare prej dy vitesh. Megjithatë, ai vijon të kontribuojë në futbollin spanjoll, ku ka ndërtuar pjesën më të madhe të karrierës së tij si profesionist.
Lini një Përgjigje