FLASH
Shkruar nga Pamfleti
Tomas Strakosha, njeriu që thuajse nuk e pa fushën me sy gjatë sezonit të kaluar, jo vetëm që bindi në portën e kombëtares shqiptare, por është përzgjedhur si njëri nga më të mirët e Evropianit.
UEFA ka nisur anketat për numrat 1 në çdo aspekt, që nga ndeshjet, golat, asistet, por edhe paraqitjet e portierëve.
Strakosha, që bëri 8 pritje në sfidën kundër Kroacisë në “EURO 2024“, u përzgjodh për një tjetër kulm.
UEFA ndau veç atë që ai bëri në sfidën e parë të turneut për “Kuqezinjtë”, atë ndaj Italisë, kur devijoi mrekullisht drejt shtyllës gjuajtjen e “fantazistit”, Davide Frattesi.
Natyrisht, Strakosha do të ketë konkurrencë për të fituar si portieri me pritjen më të bukur.
UEFA ka përzgjedhur edhe 9 pritje të tjera të magjishme, siç është edhe devjimi i Gianluigi Donaruma, në ndeshjen e Italisë kundër Spanjës në grup.
Pritjen e penalltisë së Cristiano Ronaldo nga “gardiani” i Sllovenisë, Jan Oblak, një pritje të “numrit 1” të Polonisë, Vojshe Shezni, në sfidën kundër Austrisë, pritjen e portierit të Zvicrës, Jan Somer, ndaj Deklan Rajs të Anglisë në çerekfinale.
Reagimin e portierit të Serbisë ndaj goditjes me kokë të Herri Kejn në fazën e grupeve, apo reflekset e portierit të Holandës, Verbrugen, në përballjen çerekfinale të Evropianit kundër Turqisë.
Gjithsesi, besohet se favorit për të fituar “Dorezën e Artë” për pritjen më të bukur është portieri i Turqisë, Mert Gunok, që ndaloi në mënyrë të pabesueshme Austrinë që të barazonte rezultatin në sekondat e fundit të shtesës.
Lini një Përgjigje