FLASH
Shkruar nga Pamfleti
Ernest Muçi po kalon një nga momentet më të mira të karrierës së tij te Trabzonspori, ku është shndërruar në një nga lojtarët më vendimtarë të skuadrës. Megjithatë, forma e tij e shkëlqyer në klub nuk është reflektuar plotësisht në aktivizimin me Kombëtaren shqiptare, duke ngritur pikëpyetje mbi menaxhimin e tij në ndeshjet ndërkombëtare.
Që nga fundi i muajit nëntor, Muçi ka qenë një nga protagonistët kryesorë të Trabzonsporit. Mesfushori me tipare sulmuese ka realizuar 10 gola dhe ka dhënë 4 asistime në 23 paraqitje, duke qenë titullar në 19 prej tyre.
Kontributi i tij ka ndihmuar skuadrën të mbetet në garë për titullin kampion në Superligën turke, ndërsa performancat e tij kanë tërhequr vëmendje të gjerë edhe në mediat sportive lokale.
Pavarësisht formës së tij të shkëlqyer, trajneri i Kombëtares, Silvinjo, i dha Muçit vetëm disa minuta në fund të ndeshjes ndaj Polonisë. Kjo zgjedhje ka ngritur diskutime mbi rolin e tij në ekip.
Mbetet një “peng” për shumëkënd nëse mesfushori do të kishte mundur të jepte më shumë nëse do të aktivizohej për një kohë më të gjatë, ndërsa tashmë situata konsiderohet e kaluar.
Mediat turke kanë publikuar së fundmi një përmbledhje me golat e Muçit në kampionat, duke evidentuar stilin e tij të veçantë në finalizim.
Sipas tyre, “lojtari i Shqipërisë nuk di të shënojë gola normalë”, duke nënvizuar cilësinë dhe mënyrën spektakolare të realizimeve të tij.
Lini një Përgjigje