FLASH
Shkruar nga Pamfleti
Luiza Gega pretendoi disa ditë më parë për mosdhënien e shpërblimeve për vitin 2023. Sot ka reaguar edhe Ministria e Sporteve. E pyetur nga “Panorama Sport”, ministria ka reaguar duke thënë ndër të tjera se Gega ka marrë 13 shpërblime në bazë të rezultateve që ka arritur.
Reagimi i plotë i Ministrisë së Arsimit dhe Sporteve:
Mbështetja e sportistëve elitarë është në qendër të politikave të Ministrisë së Arsimit dhe Sporteve. MAS i ka mbështetur dhe mbështet në vazhdimësi sportistët elitarë dhe trajnerët e tyre përmes mbështetjes për federatat dhe përmes shpërblimeve direkte për rezultatet që kanë arritur në gara në arenën ndërkombëtare.
Shpërblimet e dhëna bazohen në parashikimet e nenit 27 të Ligjit 79/2017 “Për sportin” i ndryshuar dhe akteve nënligjore që rrjedhin prej tij. Vetëm për vitin 2023 shpërblimet e sportistëve elitarë kanë rezultuar rreth 55 milionë lekë për 23 sportistë elitarë dhe trajnerët respektive për arritjet në sportet që përfaqësojnë.
Atletja jonë Luiza Gega është mbëshetur gjatë dy viteve të fundit me 13 shpërblime për 10 gara ndërkombëtare, bazuar në arritjet e saj, që nga niveli Botëror deri tek ai Ballkanik, pesë prej të cilave janë shpërblime për arritjet e vitit 2023. Do të vijojmë edhe gjatë këtij viti, duke qenë dhe një vit olimpik, mbështetjen për sportistët tanë elitarë.
Luiza Gega është padiskutim atletja më e famshme e të gjithë kohërave në Shqipëri, medaliste e artë, krenaria e sportit shqiptar. Pavarësisht emrit të madh që përfaqëson, pavarësisht asaj që ka dhënë për Shqipërinë, Gega ka marrë shumë pak, ka marrë shumë më pak se sa i takon.
Gega vë në dukej faktin se ka që në vitin 2023 që është në këtë sistem, që e mbështet, pasi kërkon t’u tregojë të rinjve që gjërat e mëdha arrihen dhe duke punuar fort.
Rekordmenia shqiptare vuri në dukje faktin se nuk ka asnjë sportist në vend që kryen kontrolle aq sa ajo. Por qasjen e ministrisë së Arsimit dhe Sporteve nuk e kupton.
Lini një Përgjigje