FLASH
Shkruar nga Pamfleti
Shqipëria njohu pak ditë më parë kundërshtarët që do të ketë përballë në grupin B4 të Ligës së Kombeve. Kuqezinjtë do të përballen me Çekinë, Ukrainën dhe Kroacinë, teksa UEFA ka publikuar edhe kalendarin e plotë të Shqipërisë në këtë kompeticion.
Shqipëria do ta nisë rrugëtimin në Ligën e Kombeve në shtëpi ndaj Ukrainës. Ky takim do të luhet më datë 21 shkurt. Katër ditë më vonë, më 25 shkurt, kuqezezat do të zhvillojnë ndeshjen e parë në transfertë kundër Çekisë.
Skuadra do të rikthehet me dy ndeshjet e tjera në muajin prill. Fillimisht më datë 4 prill, kuqezezat do të luajnë në shtëpi kundër Kroacisë e më pas do të përballen sërish me Kroacinë më 8 prill për ndeshjen e kthimit.
Dy ndeshjet e fundit të grupit B4 në Ligën e Kombeve, Shqipëria do t’i zhvillojë më 30 maj dhe 3 qershor. Përballja ndaj Ukrainës është planifikuar të luhet më 30 maj, ndërsa vajzat kuqezi do të luajnë ndeshjen e fundit të Ligës së Kombeve kundër Çekisë më 3 qershor.
Oraret e ndeshjeve do të përcaktohen më vonë dhe do të bëhen me dije nga Federata e Futbollit për opinionin publik dhe median.
Kalendari i plotë i Shqipërisë në Women’s Nations League:
Shqipëri vs Ukrainë, 21.02.2025
Çeki vs Shqipëri, 25.02.2025
Shqipëri vs Kroaci, 04.04.2025
Kroaci vs Shqipëri, 08.04.2025
Ukrainë vs Shqipëri, 30.05.2025
Shqipëri vs Çeki, 03.06.2025
Lini një Përgjigje