FLASH
Shkruar nga Pamfleti
Pas përfundimit të sfidës që i dha fund aventurës së Atletikos së Madridit në Ligën e Kampionëve, Hoze Luis Martinez-Almeida nuk i kurseu kritikat ndaj UEFA-s dhe arbitrimit të ndeshjes.
“Kur pashë shortin, mendova se do të ndesheshim me Arsenalin, por e kisha gabim pasi përballë kishim UEFA-n”, deklaroi ai.
Sipas kryebashkiakut të Madridit, organizmi europian kishte si synim eliminimin e skuadrës spanjolle nga kompeticioni.
“UEFA e bëri të qartë se nuk e donin Atletikon e Madridit në finalen e Ligës së Kampionëve. Kishte vendime që tregonin qartë qëllimin për të dëmtuar Atletikon”, u shpreh Almeida.
Ai shtoi se tifozët e Atletikos duhet të ndihen krenarë për skuadrën, pavarësisht eliminimit.
“Tifozët e Atletikos janë krenarë për ekipin tonë, sepse ata nuk garuan kundër Arsenalit, por kundër UEFA-s. Mund ta mposhtësh Arsenalin për 180 minuta, por nuk mund ta mposhtësh UEFA-n”, deklaroi ai më tej.
Në fund, Almeida akuzoi edhe arbitrin e ndeshjes, duke e konsideruar pjesë të një skenari të parapërcaktuar kundër klubit madrilen.
“UEFA vuri në dispozicion të gjitha mekanizmat e saj që Atletiko të mos kalonte, dhe gjyqtari ishte ekzekutuesi i këtij qëllimi. Gjithçka ishte me qëllim. Ne nuk mund ta mposhtnim UEFA-n, dhe ishte e pamundur ta bënim këtë”, përfundoi ai.
Lini një Përgjigje