FLASH
Shkruar nga Pamfleti
Gjatë ndeshjes mes Atletiko Çirikui dhe Universitarios në stadiumin “San Cristóbal”, Panama, u regjistrua një tërmet i fortë, që detyroi zyrtarët ta ndërprisnin takimin prej frikës së krijuar.
Tërmeti me magnitudë 6.9 ndodhi në minutën e 61 të ndeshjes. Gjithçka nisi të lëkundej, me spektatorët që u larguan të tmerruar nga tribuna, duke iu bashkuar lojtarëve në fushë.
“Nuk e di se çfarë do të ndodhë tani…”, – tha një prej komentatorëve. “E vërteta është se kjo dridhje në stadiumin “San Cristóbal” është shumë e fortë. Nuk e di protokollin kur kjo ndodh në një ngjarje sportive, do të mendoja se ndeshja mund edhe të ndërpritet”, u dëgjua gjatë transmetimit.
Ndeshja u ndërpre për 30 minuta dhe fatmirësisht rifilloi më vonë pa asnjë pasojë.
Lini një Përgjigje